ശ്രീ വെങ്കിടേശ്വര സുപ്രഭാതം

ശ്രീ വെങ്കിടേശ്വര സുപ്രഭാതം

കൗസല്യാ സുപ്രജാ രാമ പൂർവാസന്ധ്യാ പ്രവർത്തതേ |
ഉത്തിഷ്ഠ നരശാർദൂല കർത്തവ്യം ദൈവമാഹ്നികം|| 1 ||

ഉത്തിഷ്ഠോത്തിഷ്ഠ ഗോവിന്ദ ഉത്തിഷ്ഠ ഗരുഡധ്വജ |
ഉത്തിഷ്ഠ കമലാകാന്ത ത്രൈലോക്യം മംഗളം കുരു || 2 ||

മാതസ്സമസ്ത ജഗതാം മധുകൈടഭാരേഃ
വക്ഷോവിഹാരിണി മനോഹര ദിവ്യമൂർതേ |
ശ്രീസ്വാമിനി ശ്രിതജനപ്രിയ ദാനശീലേ
ശ്രീ വെങ്കടേശ ദയിതേ തവ സുപ്രഭാതം|| 3 ||

തവ സുപ്രഭാതമരവിന്ദ ലോചനേ
ഭവതു പ്രസന്നമുഖ ചന്ദ്രമണ്ഡലേ |
വിധി ശങ്കരേന്ദ്ര വനിതാഭിരർചിതേ
വൃശ ശൈലനാഥ ദയിതേ ദയാനിധേ || 4 ||

അത്ര്യാദി സപ്ത ഋഷയസ്സമുപാസ്യ സന്ധ്യാം
ആകാശ സിന്ധു കമലാനി മനോഹരാണി |
ആദായ പാദയുഗ മർചയിതും പ്രപന്നാഃ
ശേഷാദ്രി ശേഖര വിഭോ തവ സുപ്രഭാതം|| 5 ||

പനഞ്ചാനനാബ്ജ ഭവ ഷണ്മുഖ വാസവാദ്യാഃ
ത്രൈവിക്രമാദി ചരിതം വിബുധാഃ സ്തുവന്തി |
ഭാഷാപതിഃ പഠതി വാസര ശുദ്ധി മാരാത്
ശേഷാദ്രി ശേഖര വിഭോ തവ സുപ്രഭാതം || 6 ||

ഈശത്-പ്രഫുല്ല സരസീരുഹ നാരികേള
പൂഗദ്രുമാദി സുമനോഹര പാലികാനാം |
ആവാതി മംദമനിലഃ സഹദിവ്യ ഗംധൈഃ
ശേഷാദ്രി ശേഖര വിഭോ തവ സുപ്രഭാതം || 7 ||

ഉന്മീല്യനേത്ര യുഗമുത്തമ പഞ്ജരസ്ഥാഃ
പാത്രാവസിഷ്ട കദലീ ഫല പായസാനി |
ഭുക്ത്വാഃ സലീല മഥകേളി ശുകാഃ പഠന്തി
ശേഷാദ്രി ശേഖര വിഭോ തവ സുപ്രഭാതം|| 8 ||

തന്ത്രീ പ്രകർഷ മധുര സ്വനയാ വിപഞ്ച്യാ
ഗായത്യനന്ത ചരിതം തവ നാരദോ‌പി |
ഭാഷാ സമഗ്ര മസത്-കൃതചാരു രമ്യം
ശേഷാദ്രി ശേഖര വിഭോ തവ സുപ്രഭാതം|| 9 ||

ഭൃംഗാവളീ ച മകരന്ദ രസാനു വിദ്ധ
ഝുങ്കാരഗീത നിനദൈഃ സഹസേവനായ |
നിര്യാത്യുപാന്ത സരസീ കമലോദരേഭ്യഃ
ശേഷാദ്രി ശേഖര വിഭോ തവ സുപ്രഭാതം|| 10 ||

യോഷാഗണേന വരദധ്നി വിമഥ്യമാനേ
ഘോഷാലയേഷു ദധിമന്ഥന തീവ്രഘോഷാഃ |
രോഷാത്കലിം വിദധതേ കകുഭശ്ച കുംഭാഃ
ശേഷാദ്രി ശേഖര വിഭോ തവ സുപ്രഭാതം|| 11 ||

പദ്മേശമിത്ര ശതപത്ര ഗതാളിവർഗാഃ
ഹർതും ശ്രിയം കുവലയസ്യ നിജാംഗലക്ഷ്മ്യാഃ |
ഭേരീ നിനാദമിവ ഭിഭ്രതി തീവ്രനാദം
ശേഷാദ്രി ശേഖര വിഭോ തവ സുപ്രഭാതം || 12 ||

ശ്രീമന്നഭീഷ്ട വരദാഖില ലോക ബന്ധോ
ശ്രീ ശ്രീനിവാസ ജഗദേക ദയൈക സിന്ധോ |
ശ്രീ ദേവതാ ഗൃഹ ഭുജാന്തര ദിവ്യമൂർതേ
ശ്രീ വെങ്കടാചലപതേ തവ സുപ്രഭാതം|| 13 ||

ശ്രീ സ്വാമി പുഷ്കരിണികാപ്ലവ നിർമലാംഗാഃ
ശ്രേയാർഥിനോ ഹരവിരിഞ്ചി സനന്ദനാദ്യാഃ |
ദ്വാരേ വസന്തി വരനേത്ര ഹതോത്ത മാംഗാഃ
ശ്രീ വെങ്കടാചലപതേ തവ സുപ്രഭാതം|| 14 ||
ശ്രീ ശേഷശൈല ഗരുഡാചല വെങ്കടാദ്രി
നാരായണാദ്രി വൃഷഭാദ്രി വൃഷാദ്രി മുഖ്യാം|
ആഖ്യാം ത്വദീയ വസതേ രനിശം വദന്തി
ശ്രീ വെങ്കടാചലപതേ തവ സുപ്രഭാതം|| 15 ||

സേവാപരാഃ ശിവ സുരേശ കൃശാനുധർമ
രക്ഷോംബുനാഥ പവമാന ധനാധി നാഥാഃ |
ബദ്ധാംജലി പ്രവിലസന്നിജ ശീർഷദേശാഃ
ശ്രീ വെങ്കടാചലപതേ തവ സുപ്രഭാതം || 16 ||

ധാടീഷു തേ വിഹഗരാജ മൃഗാധിരാജ
നാഗാധിരാജ ഗജരാജ ഹയാധിരാജാഃ |
സ്വസ്വാധികാര മഹിമാധിക മർഥയന്തേ
ശ്രീ വെങ്കടാചലപതേ തവ സുപ്രഭാതം|| 17 ||

സൂര്യേംദു ഭൗമ ബുധവാക്പതി കാവ്യശൗരി
സ്വർഭാനുകേതു ദിവിശത്-പരിശത്-പ്രധാനാഃ |
ത്വദ്ദാസദാസ ചരമാവധി ദാസദാസാഃ
ശ്രീ വെങ്കടാചലപതേ തവ സുപ്രഭാതം || 18 ||

തത്-പാദധൂളി ഭരിത സ്ഫുരിതോത്തമാംഗാഃ
സ്വര്ഗാപവര്ഗ നിരപേക്ഷ നിജാംതരംഗാഃ |
കല്പാഗമാ കലനയാ‌കുലതാം ലഭംതേ
ശ്രീ വെങ്കടാചലപതേ തവ സുപ്രഭാതം || 19 ||
ത്വദ്ഗോപുരാഗ്ര ശിഖരാണി നിരീക്ഷമാണാഃ
സ്വര്ഗാപവര്ഗ പദവീം പരമാം ശ്രയംതഃ |
മർത്യാ മനുഷ്യ ഭുവനേ മതിമാശ്രയംതേ
ശ്രീ വെങ്കടാചലപതേ തവ സുപ്രഭാതം || 20 ||

ശ്രീ ഭൂമിനായക ദയാദി ഗുണാമൃതാബ്ദേ
ദേവാദിദേവ ജഗദേക ശരണ്യമൂര്തേ |
ശ്രീമന്നനംത ഗരുഡാദിഭി രര്ചിതാംഘ്രേ
ശ്രീ വെങ്കടാചലപതേ തവ സുപ്രഭാതം|| 21 ||

ശ്രീ പദ്മനാഭ പുരുഷോത്തമ വാസുദേവ
വൈകുംഠ മാധവ ജനാര്ധന ചക്രപാണേ |
ശ്രീ വത്സ ചിഹ്ന ശരണാഗത പാരിജാത
ശ്രീ വെങ്കടാചലപതേ തവ സുപ്രഭാതം|| 22 ||

കന്ദർപ ദർപ ഹര സുന്ദര ദിവ്യ മൂർതേ
കാന്താ കുചാംബുരുഹ കുട്മല ലോലദൃഷ്ടേ |
കല്യാണ നിർമല ഗുണാകര ദിവ്യകീർതേ
ശ്രീ വെങ്കടാചലപതേ തവ സുപ്രഭാതം || 23 ||

മീനാകൃതേ കമഠകോല നൃസിംഹ വർണിന്
സ്വാമിന് പരശ്വഥ തപോധന രാമചന്ദ്ര |
ശേഷാംശരാമ യദുനന്ദന കല്കിരൂപ
ശ്രീ വെങ്കടാചലപതേ തവ സുപ്രഭാതം|| 24 ||

ഏലാലവംഗ ഘനസാര സുഗന്ധി തീർത്ഥം
ദിവ്യം വിയത്സരിതു ഹേമഘടേഷു പൂർണം |
ധൃത്വാദ്യ വൈദിക ശിഖാമണയഃ പ്രഹൃഷ്ടാഃ
തിഷ്ഠന്തി വെങ്കടപതേ തവ സുപ്രഭാതം|| 25 ||

ഭാസ്വാനുദേതി വികചാനി സരോരുഹാണി
സംപൂരയന്തി നിനദൈഃ കകുഭോ വിഹംഗാഃ |
ശ്രീവൈഷ്ണവാഃ സതത മർഥിത മംഗളാസ്തേ
ധാമാശ്രയംതി തവ വെങ്കട സുപ്രഭാതം|| 26 ||

ബ്രഹ്മാദയാ സ്സുരവരാ സ്സമഹർഷയസ്തേ
സന്തസ്സനന്ദന മുഖാസ്ത്വഥ യോഗിവര്യാഃ |
ധാമാന്തികേ തവ ഹി മംഗള വസ്തു ഹസ്താഃ
ശ്രീ വെങ്കടാചലപതേ തവ സുപ്രഭാതം|| 27 ||

ലക്ഷ്മീനിവാസ നിരവദ്യ ഗുണൈക സിന്ധോ
സംസാരസാഗര സമുത്തരണൈക സേതോ |
വേദാന്ത വേദ്യ നിജവൈഭവ ഭക്ത ഭോഗ്യ
ശ്രീ വെങ്കടാചലപതേ തവ സുപ്രഭാതം|| 28 ||

ഇത്ഥം വൃഷാചലപതേരിഹ സുപ്രഭാതം
യേ മാനവാഃ പ്രതിദിനം പഠിതും പ്രവൃത്താഃ |
തേഷാം പ്രഭാത സമയേ സ്മൃതിരംഗഭാജാം
പ്രജ്ഞാം പരാര്ഥ സുലഭാം പരമാം പ്രസൂതേ || 29 ||